الفكسار لشاعر حمد البريدي

[فيصل العضيله]

يا راكب اللي هيبته شخصيه
على المواتر ماخذ (ن) فرقيه
ديزاينه .. ترتيبة .. وشعاره
هيكله .. يعني سيد الالفيه
اللي شقى به شيبه ياباني
ما قد لبس غتره ولا طاقيه
مصممه ترتيب برغي برغي
ومهندسة بالخبرة التقنية
عليه دقة سلف لا وش كنها
بنية تهمس بإذن .. بنيه
ولا شغل الموتر وبان انبيره
كني مسافر .. رحلة جويه
يغنينه عن الاسما رمز (تيوتا)
وان قلت انا الفكسار لابو حيه
بنت تهزع لابسه برقعها
تفر عينك صوبها .. جبريه
يتل قلبك مركبه واسياته
وتشوق للسفره معا العصريه
لا قبضه راعية خط فاري
تركب على راسه مية جنيه
وان دست له كنه يسابق رجلك
يمديك تدعس بنص عدا الميه
وهيئة شموخه واستدارة ليته
عين اشقر ٍ يبرى خوى راعيه
يا هل المواتر جنبو عن دربه
لا تقارنونه .. جعله أمحق نيه
مواصفاته .. كلها تعجبني
الوجه ليه الجامه الخلفيه
طبلون .. شاشه لمس .. سيستم راقي
تلفون .. ماجلان .. مابه زيه
والخارطة تقول ويش انت تبغي
اية !! مكان بالكره الارضيه
ما قلتها اجامل لكن معجب به
والله يبارك به على راعيه .

[فهد الصويدر]

فيصل
تسلم يمناك على هذا النقل المميز
اختيار مميز في الطرح
احترامي وتقديري

[فيصل العضيله]

فهد

شآككككككر لك ع آلمرور آلرآئع

[مسعد فالج]

مبدع أخي فيصل في النقل الرائع والحضور المميز
موفق بإذن الله ... لك مني أجمل تحية .

[فيصل العضيله]

مسعد فآلج

شآككككر لك ع آلمرور