اقتراح ملتقى الشعوره الاول

[داحم الشعري]

السلام عليكم ورحمة الله وبركاتة

صبــاح /مســاء
الخـــــــير

ندخل في الموضوع وهو اقتراح

ماهو رايكم في اقامة حفل تعارف لابناء القبيله يكون ملتقى سنوي يتم الاتفاق عليه بعد التشاور وله اهداف ساميه
علما بان الاخت جود الشعري سبق وان طرحت هذا الاقتراح
ارجو التفاعل مع هذا الموضوع وترك انطباعكم حول الفكرة بكل شفافية حتى نتمكن من تحقيق الهدف الأسمى : ( صلة الرحم .. التآلف .. التعارف .....الخ)

[مسعد فالج]

ألأقتراح ممتاز جدآ أخي داحم ونرجو من الجميع المشاركه بين أبناء القبيله

[فيصل العضيله]

أهلاً دآحم حياكِ الله


اقتراحك في مكانه

نضع يد بيد وأطلب من ابناء القبيله الالتزام

[نزف القصيد]

اقتراح جميل .. ونتمنى ذلك

[جود الشعري]

مادري ليش التفاعل في الاقتراح بالملتقي للشعوره بطي جدا

[جود الشعري]

نبي نشوف تفاعل منكم بالمنتدى مع الافكار والاقتراحات لنجاح فكرة ملتقي الشعورة الاول وحتى تتكون الفكرة وتوضع امام كبار الشعورة لتكون واقع اتمني التفاعل الايجابي

[فهد الصويدر]

السلام عليكم
مساءكم ورد وياسميين
اقتراح اخي داحم مميز وجميل وهادف لتكاتف ابناء قبيلة الشعوره وهو يربط القبيله ويشجعها
على التواصل بين بعض والتعارف على ابناء الشعوره من غرب المملكه ووسطها وشرقها .!!
افتتح الشيخ سفر الصويدر اطال الله في عمره الموقع والمنتدى والقصد من ذالك هو التعارف بين ابناء القبيله والتواصل عبر الشبكة العنكبوتيه
وهذا يعتبر اول الخطوات في التؤاصل ..!!
وقيل لرسول الله(صلى الله عليه وآله): أي الناس أفضل؟ قال(صلى الله عليه وآله) اتقاهم لله، وأوصلهم للرحم، وآمرهم بالمعروف، وأنهاهم عن المنكر).
نقترح على ابناء الشعورة في هذا الخصوص ..!!
اولا ان يكون الاجتماع كل سنه بين آبناء القبيله ..!!
ثانيآ ان يُقام في الرياض والقصيم ومهدالذهب وجده ..!!
على اربع مناطق ويكون الاختيار بالقرعه ..!!
ويعرض الاقتراح على كبار الشعوره في كل منطقه ويؤخذ بوجهة نظرهم ..!!

شاكر ومقدر لكَ اخي داحم على هذا الطرح
نريد من الجميع المشاركه لانريد شكر او تسلم
نريد نقاش هادف يخص القبيله ..!!
احترامي وتقديري لكم

[الساطي]

هلا داحم سعدت بتواجدك ...

ولكن انا اقوول ياكثر ماطرح هذا الأقتراح ,, ولكن دون جدوى ...!!!

نحن نريد ان نغير هذا الأسلووب بعد اذن اخوي داحم ... بحيث يكون كل شخص يطرح هذا الموضوع على شيبانه واللي حوله من الربع ويأتي لنا بوجهة نظرهم من هذا الاقتراح .....

اما انا فعرضت الموضوع على الربع في القصيم وهمممم مؤيدون لهذا الاقتراح...


وننتظر رد البقيه ان شاءالله

[فهد الصويدر]

هلابك الساطي
كلامك واقعي لاكن نحنُ في البداية نريد افكار حول هذه النقاش
ولابد نعرضها على الشيبان ..!!

المشكله انه قليل من يدخل في منتدى القبيله لكي نعرف عن
وجهة نظرهم في هذا الموضوع وغيرها من مواضيع تخص القبيله
نتمنى من ابناء القبيله يدخلون وياشركونا في منتديات القبيله
ليكتمل المنتدى بحضورهم ..وتطويره بافكارهم ..!!

[داحم الشعري]

اولا : اشكر كل من تفاعل معنا نورتــوااا الصفحه فديتكم:008:
ثانيا :
الموضوع طرح من قبلي على اغلبية كبار الشعوره في مهد الذهب وكانوا متفاعلين على هالموضوع
واما الجماعه اللي بـجـده هناك عبدالعزيز حامد ماقصر تواصل معي من يوم نزول هالموضوع وطرح الموضوع عليهم وبرضوه مؤيدين على هالفكره
وعمل الاخ عبدالعزيز (مطويه ) تتكلم
اولا:عن صلة الرحم
وثانيا:عن فكره الملتقي
وثالثا:اهداف الملتقى <راح انزل المطويه بالمنتدى حتى اي واحد عنده اضافه اوشيء يبدي رايه
وطرح لي فكره بانها تطبع هالمطويه تكون بشعار المنتدى وتوزع على الجماعه في اقرب حفل زواج .....


ماهو رايكم ؟

[فيصل العضيله]

آخي دآحم

رغم كل تلك الإبداعات و الإبتكارات الخياليه الرائعة


وآلفكره رآئعه جدآ

نضع يد بيد وأطلب من ابناء القبيله الالتزام

[فهد الصويدر]

هلابك داحم
بالنسبه لاهل الرياض مويديين لهذه الفكره ..وادارة المنتدى هي من تحث على هذا الملتقى والتؤاصل بين ابناء القبيله وهذا هو شعارها ...!
اولا/الفكره لازم تدرس جيدآ بمعني لابد الجميع ان يعرف كيف بيكون الملتقى ..
ثانيآ /بالنسبه للامور الماديه بتكلف مبالغ طايله ..وهذا المبلغ يوزع على جميع ابناء القبيله على جميع الموظفيين ...
ثالثآ/اقتراح اخوي عبدالعزيز جميل بخصوص المطويه ولاعند ادارة المنتدى مانع بان تتكلف بطباعة المطويه وتوزع على جميع ابناء القبيله ..ونخصص شباب يقومون بتوزيعها على الربع ..!!
نريد التكاتف لابناء القبيله ونريد ان نكون يدآ بيد لتكون القبيله شامخه من بين قبايل مطير بالعزه والاخوه والرحمه والتواصل ..!!

احترامي وتقديري

[منير الشعري]

هذى اول مشاركه لي واسمحولي في تقديم مقترحي لتحقيق حلم ملتقى الشعوره الاول:متقرحي مبني على تقسيم الشعورة الى ثلاث اقسام حسب الانتساب كتالي(ذو هنود,ذوهندي,ذوعوض)بحيث يتولى كل قسم اقامة الملتقى باسمه المنتسب اليه.يقام الملتقي في المناطق حسب التوزيع الجغرافي لكل فرع مثلا ذو هندي الاكثريه من تواجدهم بمهد الذهب بمعنى اقامة الملتقى بالمهد .يقام الملتقي كل سنتين الغرض منه التعارف وصلة رحم ولمدة يومين تكون فله وناسه .ارجوا التفاعل وسرعة ابدا الاراء .وحل المشاكل والحضور فقط للذكور من اربع سنوات فاعلي

[عزيز النفس]

السلام عليكم ورحمة الله وبركاته اقترااح موفق وعين الصوااب والله يوفقكم على الخير
وللاماام

[الشــاكي]

مساء الخير

اما انا عندي وجهة نظر من هالموضوع الى متى ونحن نعتمد على الشيبان ( اطال الله في اعمارهم ومتعهم بالصحه والعافيه) ..

خلاص الشيبان سوو اللي عليهم وماقصروا ,,

والان دوركم انتم يالشباب اذا كنتم جاديين بالملتقى مثلي باقي القبائل .. ولاتتحججون بالشيبان لانها انا اشوف ان الشباب هذا هو عصره ...

وانا اضمن لكم اذا اتفق الشباب فلن يخالفهم الشيبان .. وراح يفخرون بكم

والسلام خير

[فهد الصويدر]

تعقيبآ على كلام الاخوان انا بصراحة اشوف تكلمنا في هذا الموضوع بدون اي نتيجه لاكن عندي افضل من الملتقى وهو يعتبر ملتقى بس بشكل افضل وهي حضور الزواجات اتمنى ان الجميع ان يحضرو زواجات ابناء القبيله ...لو نتكلم بالمنطق كيف نبي نسوي ملتقى للقبيله والزواجات مااحد يحضرها إلا القليل ...وهذا الشي يحزن القلب لما تشوف اللي يحضرو الزواجات اكثرهم من خارج القبيله ..!! اتمنى من الجميع ان ينظر لهذا الموضوع بعين الاعتبار لان الموضوع حساس فنحنُ في عصرنا هذا متوفر فيه كل شي بعكس عصر ابآءنا واجدادنا لابد ان نتطور مع التقنيات وان تكون تخدم القبيله والتؤاصل مع ابناء القبيله عبر هذا الموقع ونكون يد وحدة في ربط العلاقه بين القبيله ..
اتمنى اني وفقت في توصيل الفكره لكم ..
احترامي وتقديري

[ابونواف]

اخوي فهد يعطيك العافيه جبتها ع الجرح فعلا كيف نبي نجتمع ونحن لانحضر الزوجات في أبناء القبيلة