( يابوفهد دام الليالي تجاريب )

[فهد بن زعيل المطيري]

الحمدلله رب العالمين


هذه قصيده من خالي الشاعر / راشد بن مناور العبداني
موجهه الى والدي العزيز / زعيل بن سفر الصويدر الشعري


سلامي ياراع الوفا والمواجيب
مالاحت مزون الحياء كل لليله

يقولها اللي جار وقته دواليب
شاف الزمان اللي غثا بالمسيله

يابوفهد دام الليالي تجاريب
بخبرك علمن يكفي صميله

حنا على الدنيا سواة المعازيب
وان طالت الايام تبقا قليله

احدن نقدر خوته بالاصاحيب
واحدن يجي ويروح ماله جميله

وانت الكريم اللي فعوله تجاريب
نقدره تقدير شيخ القبيله

دارك غدا مدهال كل الاقاريب
وماهو غريبه دام نسلك عضيله

نسل الصويدر محتمين المطاليب
اللي تمد الطيب مد الجزيله

[فهد الصويدر]

صح السان الشاعر راشد العبداني على هذه القصيده الجميله
ولاهي غريبه على راشد فهو دومآ يمتعنا بهذا الشعر الجميل
ولاشك بان ابو خالد يستحق هذه الكلمات ..
اشكرك ياشاعرنا المميز نيابتن عن اخي ابو خالد
احترامي واتقديري

[مسعد فالج]

صح لسان الشاعر راشد العبداني على الابيات الجميله في معناها
ويستاهل ابو فهد الطيب ،،،،،،، تقبلو مروري