درع الجزيره

[ماجد الشعري]

يا درعنا في مدلهمات الايام ** درع الجزيره والجزيره وطنا


.

قدام عند الجسر يا رجال قدام ** هذا الأمن ما نستهين بأمنا

.

منهو بغى بالسيف فالسيف فصام ** بالكايده نردع واذا كاد كدنا

.

قبله خسى في دار الكويت صدام ** وانتم لنا بالقرب اقرب وادنى

.

يا ابن خليفه منته اليوم تنظام ** والمعتدي من دون قصرك بِيَفنا

.

حنا حزامك لا تحزمت بحزام ** شعب الخليج اللي وراكم سندنا

.

ما عاد ينفع لا تعزووا تِزّهام ** والمعتدي لابد يخسا ويخنا

.

نشر الخرايب والسرايق والأجرام ** ما هي شيمنا ولا هي ابمجتمعنا

.

واللي كبير السن بالليل ما نام ** خايف على بيته هجوم (ن) يشنّا

.

واللي عجوز (ن) تنتخي دين الأسلام ** وتنخى رجال (ن) مجدهم به يبنّا

.

وش عذرنا منهم وهم اهل و اخوان ** شعب الخليجي واحد (ن) ما يثنّا

.

واللي بغى بالسيف فالسيف فصام ** بالكايده نردع واذا عاد عدنا

[هاوي حنانك]

الله يعطيك العافيه اخوي

لاهنت على الكلمات والاختيار الجميل

الى الامام

[بنت البادية]

شـكــ وبارك الله فيك ـــرا لك ... لك مني أجمل تحية .

[نزف آلمشاعر]

يعطيك العافية وتسلم يمناك

[ابوسطام]

صح لسان شاعرها
وتسلم يمين ناقلها
تحياتي لك

[مسعد فالج]

الله يبيض وجه قايلها ,,,,,, وناقلها

والله يديم الامن على بلادنا خاصه الامه الاسلاميه عامه