مرثيات المرحوم عبدالله العير, رحمه الله.

[محمد الشطيطي]

رثاء الشاعر عبدالله العير
السلام عليكم ورحمة الله
احبتي الكرام
نود جمع القصائد الرثائية التي يشارك بها الأعضاء في المرحوم باذن الله تعالى الشاعر الفذ عبد الله العير المتوفى يوم الخميس 29/7/1424هـ

وسنوردها تباعاً




يا موت ليتك شمت عن ولد عمي .....وشبك تخليني بليا ولد عم
والسلام عليكم ورحمة الله





عبدالله العير يرثي نفسه
السلام عليكم ورحمة الله




ان مت عزولي مرامي ووجدان = وابكوا على قبري سنينٍ طويله
ابكوا وابكولي معاكم كحيلان = خليف شيال الحمول الثقيله





مرامي ووجدان : ابنتا الشاعر
خليف : الشاعر الهجله الراحل قبل ست سنوات






البسي يا سـاحة الشـعر ملباس الحداد =واعلني هجري من الملعبه سـتين يوم

صمت عن خوض الملاعب ونزلت الشـداد =كـود اظنه يدله القلب وتخـف الهمـوم

هم من فرقاه حشـت معاليق الفؤاد =تاج راسي عزوتي كل ما جـات اللزوم

العزاء لمطيــر ما هوز بليه بانفراد =يا مطير الله يحســن عزاكم به عموم

وكل جمهوره بعد في جميع انحاء البلاد =عظم الله اجركم في الفقيد اغلى النجوم

والله اني كل ما جيت اكف الدمع زاد =مير هذي قسمة الله وترضينا القسوم

يا كريم الوجه يالله يا رب العباد =طالبك يا واحد غير وجهك ما يدوم

ارحمه واغفر ذنوبه يا علام المعاد =انت ملجى من لجاء به وغفار رحوم

والبسي يا ساحة الشعر ملبوس الحداد =واعلني هجري من الملعبه ستين يوم


زيد بن سلمي




القصيدة الثالثه

حينما شاهد زيد الطفل عبيد شبل الفقيد الشاعر عبدالله العير وعيناه تذرفان الدمع قال ابو ممدوح :




يا عبيد من دمعتك زودت همي =حملتني يا عبيد همٍ على هم

وانا حزين ومنخفظ ضغط دمي =وعيني تهل الدمع ومخالطه دم

ما راح من هم العرب راح يمي =تحمله قلبي ولا قال له كم

يا موت لتك شمت عن ولد عمي =وشبك تخليني بليا ولد عم

مرحوم يا هداج عذب المجمي =من فجعته بغت ظلوعي تحطم

زيد ابن سلمي

[محمد الشطيطي]

كتب الشاعر منير العبدلي




يالله ياللي مالكن كل الاعمار=يالواحد اللي كلنا نلتجيله
أرحم عقيد الشعر عبدالله العار=راع البيوت الصادقات الجزيله
برحمتك بالله سكنه دار الابرار=دامه من أهل النافله والفضيله
شاعر وزاده فضحى بعض الاذكار=وفالليل ذيبٍ من حمات القبيله
ياما سقى العدوان من كاس الامرار=فأم الكباير مايسنع قبيله
أمسلطه ربي على كل الأشرار=عز الرفيق وفالمراجل دليله
لو العمر يشرى بدرهم ودينار=والله لشريله سنينٍ طويله
ويبقى سندنا مكرم الضيف والجار=حين نجيه ونستمع في صهيله
لاكن هذي حكمة الله والاقدار=جيلٍ يموت وجيل يأتي بديله
يالله صبرنا على كل ما صار=حملٍ ثقيل ولاقدرنا نشيله
الدمع فوق الخد مدرار مدرار=نبكي على راع الوفاء والجميله
دعواي لـ لله يسكنه دار الابرار= ويعوض المطران رجلٍ مثيله



القصيدة السادسه
السلام عليكم ورحمة الله


كتب ابو تركي الشلاحي

أولا : الله يجبر عزاكم في وفاة الشاعر عبدالله العير رحمه الله

ثانيا : انقل لكم هذه المرثية في المرحوم بإذن الله تعالى الشاعر عبدالله العير العضيله ..
للشاعر : طايع العقص العضيلة ..

جاني خبر عن من ماني بناسيه = قالوا حكم رب العباد بزواله
قلت آه واويلاه وش حيلتي فيه = الشاعر اللي راح مالقى بداله
تبي تمر سنين وشهور ننعيه = اللي على الطالة طوال حباله
يفز قلبي كل ما حل طاريه = والقلب كنه بين الأمة لحالة
انا أشهدٍ ان الله من الطيب معطيه = لاكن قفى والعوض في عياله
اللي قريبٍ منه كلٍ يعزيه = واللي بعيدٍ من الخبر ضاق باله
واليوم راع الطيب طيبه مبقيه = القبر بيته والنصايب ظلاله
وختامها اعداد فرضٍ نصليه = على نبي الله راع الرسالة

مع تحيات الشاعر
طايع العقص العضيله



القصيدة السابعة
السلام عليكم ورحمة الله


كتب الشاعر عائض العقيلي

أخواني أعضاء وزوار منتدي الشعوره
أقدم لكم هذه الأبيااااات وهي رثاء في الشاعرالمرحوم// عبدالله العير
علماً بانني لم أكتب في هذا الجانب من قبل ..
وقد خاطبت والد الشااااعر // من خلال هذه الأبيات المتواضعــه
كما أتقدم لوالد المرحوم // عبدالله وذويه بأحر التعازي داعينٍ
الولي أن يرحمه برحمته وأن يلهمهم الصبر والسلوان ..
وهذه الأبيات


ماجور ياعودٍ من الوقت مضيوم =ماهوب مديونناً ولاهوب جـــاني
دمعه علي الخدين عبرات بالكوم=يهلها عبرات عشـــر و ثمـــــاني
فقد ضناه اللي من الروح مقسـوم=اللي غلاته بين عوجٍ حـــــــواني
جاه الخبر فجئه علي حزت النوم=وصمت من الفجئه ومسك الساني
لكن قال الأجل محــــكوم مقسوم=هذا مصير العمر والعمر فـــاني
مرحوم ياعبدالله العير مرحـــوم=جعلك بروضٍ من رياض الجناني
في جنة الفردوس مع صالح القوم=تلقـــي مابين الصالحين المـكاني
يبكــونك الشـــعار مطـران وبقوم=ويبكونك الشعار قـــاصي وداني
ويبكيك صــفٍ كل ما شافك يقوم = وتبكي عليك الكـيمره والمـعاني



القصيدة الثامنه
السلام عليكم ورحمة الله

كتب الأمير الصغير


الحمد لله قاسم الشر والخير=نرضى بحكم الرب في كل حالي

والموت حق ولا شكيناه للغير= لو هو خذا شخصٍِ عزيزِ وغالي

ولاآقول غير الله يرحمك يالعير=وعساك فالجنه مريحِ وسالي

واحد وتسوالك جموع وطوابير= ياما قصرت إلسان خبلن يلالي

تبكيك كل مطير ياعزوة مطير= ياللي رفعت الراس بالشعر عالي

يبكي عليك طويق مع قطن والنير=وتبكي على فرقاك كل الطوالي

ويبكي عليك الصف والكف والزير=ويبكي عليك الشعر في كل حالي

الشعر روح وإختفى النجم والطير= من عقب أخو دعجه كريم السبالي



القصيدة التاسعه
السلام عليكم ورحمة الله

كتب الشاعر نويحي البديري العوني


لله ماياخذ ولله ماجاب = سبحانه المعبود جزل الوهايب

خلاق نار وجنة(ن)بعث وحساب= يحيي يميت وكل شئ بسبايب

البارحه عيني لها النوم ماطاب = سبة علوم(ن)من عظام المصايب

علم(ن)لفاني منه تحتا ر الألباب = يجعل رزين العقل بالفكر غايب

قالو توفى العير وهلن الأهداب = من فوق خدي بالدموع السكايب

مروحم ياللي للنواميس كساب = ياراعي العليا قوي الكسايب

يالفارس المغوار قطام الأرقاب = لاحل وقت المعركه والحرايب

شعرك كما البارود قطاع الأعصاب = وإلا كما سيف(ن)لقطع الترايب

ياشاعر المطران لوغبت ماغاب =ذكرك وطيبك ياعريب النسايب

مثلك بنات أدم يعجزن الأنجاب =أنته أسطوره ما أحتوتها الكتايب

رفعت رأس مطير في وسط الأجناب = بحروف شعر(ن)قاسيات(ن)عطايب

سطرت مجد مطير في كل مرقاب = حتى غدى من فوق عال السحايب

أسمك تسطر في مجلات وكتاب = تفخربك المطران شب(ن)وشايب

يابو عبيد إن كان للبنت خطاب =أنا أشهدنك من خيار الخطايب

ملكتها غصب(ن)على ذيب وذياب = وأشعلتها من تحت خصمك لهايب

حفظتها من كل نــذل(ن)وكذاب = ورفعت رايتها وسقت الركايب

عليك دمع الملعبه دوم سكاب = غاديلها عقبك صريخ ونحايب

تقول راح اللي ملك كل الالقاب = اللي كلامه فيه حكمه وصايب

قبل أمس تخضع لك طويلات الأشناب = واليوم حطو فوق قبرك نصايب

عساك فالردوس تفتح لك أبواب = مابين رسل الله وخير الصحايب

شعر
ناصر بن مناحي بن حمد البديري المطيري

[محمد الشطيطي]

القصيدة العاشره
السلام عليكم ورحمة الله

كتب الشاعر اخو شمى


بطلب من الشاعر الكبير فيحان القعياني بنشر المرثيه في منتدى قبيلة مطير .

يشرفني نقل القصيده التي يقول فيها



مرحوم يابن عبيد عبدالله العير= قالو:توفى وافجعتني وفاته
لاشك مالي حيلت(ن)بالمقادي= لابد من يوم(ن)نسوي سواته
الأجل لايقدم ولاعنه تأخير= هذا مصير آدم وسنة حياته
أبكي وتبكيه النكت والجماهير=والشعر والشعار ومحاوراته
مرحوم والله يمنعه من زمهرير= والله يبدل سيته بحـسـنـاتـه
أعزي الشعار وأعزي مطير= وأبوه وأمه والخوان وخواته
وأعزي أقرابه واخص المناعير= واعزي عياله واعزي بناته
نشكي ونبكي ونتمنى له الخير= لعل يوم العرض تكتب براته

الــشــاعــر الـكــبـيـر/
فــيــحــان الـقـعــيــانــي


المرثية الحادية عشر
السلام عليكم ورحمة الله



لا والله ألي مات عبدالله العير=مات البطل مات الشجاع الوليده
يامطير مات العير يامطير يامطير= أن أشهدأنه ياعبادل فقيده
والموت حق ولاش عنّّه معاذير= كلام حق وكل يوم(ن) نعيده
وحنا رضينا بالقدرشرأوخير = وماكتبلك ياتيك ماعنه حيده
يالله تجيره من لضا النار يامجير= وتكفر ذنوبه ولو هي عديده

[محمد الشطيطي]

هذه قصيده للشاعر الكبير محمد شديد القحطاني
هذا الشاعر القوي في معانيه الجزل في بيوته الرائع في وصفه
يقدم لنا هذه القصيده في رثاء علم المحاوره عبدالله المطيري
ولنرى فيها تجسيد الحزن
وقوة العاطفة
وسماكة الابيات
وجزالة القصيده

ادعكم مع هالقصيده
والذي نرجو ان نرى احد شعار مطير يجاريها
لان فعلا العيرومطير يستاهلون ديوان مدح

من غير قصور بأحد


يقول الشاعر محمد شديد العاطفي القحطاني



اقشر خبر هز المشاعر والاشعـار=منه الضلوع العوج راحت احطامي
فزيت فزة من وطت رجله النـار=ابغى المقام ولا قوتنـي اعظامـي
خبر وفاة العيـر طويـل الاشبـار=رجلٍ كريم ومن رجـالٍ كرامـي
يوم الخميس اقفا عن العالم وسـار=لاول ديـار الاخـره فيـه نامـي
مرحوم يابن عبيد ياراعـي الكـار=عسى مكانك جنب سيـدالانامـي
في جنتٍ خضرا بساتيـن وانهـار=وعسى جّسّدك على جهنم حرامـي
واخذت لي عقب الخبر وقت منهار=ابغى اتكلم مـا قويـت الكلامـي
حملي ثقيل وطحت منهار محتـار=واحس كل الكون حولي ظلامـي
جلست اهل الدمع وادير الافكـار=واقول يـا دنيـا العنـاوالعدامـي
يا ونتٍ ونيتهـا وقـت الاسحـار=ونت كفيفـن راح شوفـه عدامـي
كبير سن وبـار فيـه الظنـا بـار=واليا اعتزا ياليـن مالـه حزامـي
من عقب ماهو قاسي صار ينـدار=سلم لا عـدااه الامـر والزمامـي
عقب الفرح ذاق البلاوي والمـرار=رضي المهونه عقب رفعّ المقامـي
عليك ياللي موفي بقصـرة الجـار=رجلٍ خلوق وفوق الاخلاق سامي
صدوق طيب قلب ما هوب بـوار=الله يبيحـه عـد وبـل الغمامـي
عسى السحاب اللي تزّبـر تزبـار=يمطر على قبره لا يـوم القيامـي
يا مطير انا اعزيكم كباروصغـار=واعزي اهل الشعر شرقٍ وشامـي
واخر كلامي يابيض الوجه تذكـار=عليك منـا كـل يومـنٍ سلامـي




القصيدة الرابعة عشر
السلام عليكم ورحمة الله

كتب الشاعر عائض العقيلي



أقدم لكم هذه المرثية في الشااااعر الراحل // عبدالله عبيد العير
وهي لشااااعر المحاورة المعروف// فواز ماطر العزيزي
ونقلها لي الأخ// مصلح العضيله صاحب مكتب بيت الجنادرية
وقد كلمت الشااااعر فواز العزيزي وكان متأثر ..
من رحيل الشااااعر // عبدالله ولكن قال نحن مسلمين ونؤمن بالقضاء
وهذا المصير.. من المرثية بيت أوصي به الشاااااعر الشبل
عبيد أبن عبدالله العير

ياعبيد ياشبل المراجل والأبطال= خلك بدرب أبوك هذي وصايه

وأنا أقول الله يصلحه ويقر به عين من ترجيه

يالله يامنزل تبارك والأنفال=ياللي بيدك المبتداء والنهايه
أطلبك يالله وانت تدري عن الحال=بضيقاتي وبيحت خفايه
جاني خبر كدر علي راحة البال=رحيل عبدالله وظلم سمايه
كنت بوجده أبني أحلام وأمال= كنت أستشيرة وأنشده عن خطايه
رجلٍ وقف في صفي أيام وليال=لا قلوا أصحابي وكثروا عدايه
ياللي تعزي لجله أعمام وأخوال= والله أنا اللي فيه أدور عـزايه
عز الله أن البيض ماتنجب عيال= سوات عبدالله والأيام جايه
عز الله أنه عن ثمانين رجال = بعد وفاته طاح لشعر رايه
اللي تعلا وأعتلا فوق ما طال=لا كثرة الأقوال يوخذ برايه
النادر اللي لثقيلات شيال = أسمه ليا مر المجالس كفايه
ياعبيد ياشبل المراجل والأبطال= خلك بدرب أبوك هذي وصايه
رمز الفخر لا مر ذكره ولازال= رمز الكرم عطر الشعر والروايه
عسي علي قبره من الغيث همال=يالله تغفر له يارب الهدايه
ولعل له في جنة الخلد منزال = ولعل له يارب عندك حمايه
يالله يامنزل تبارك والأنفال = تدري بضيقاتي وتجبر عزايه



المرثية الخامسة عشر
السلام عليكم ورحمة الله

كتب المولع :
السلام عليكم ورحمة الله وبركاته


هذه المرثيه قالها احد الشاعر محمد بن شديد


اقشر خبر هز المشاعر والاشعـار"="منه الضلوع العوج راحت احطامي
فزيت فزة من وطت رجله النـار"="ابغى المقام ولا قوتنـي اعظامـي
خبر وفاة العيـر طويـل الاشبـار"="رجلٍ كريم ومن رجـالٍ كرامـي
يوم الخميس اقفا عن العالم وسـار"="لاول ديـار الاخـره فيـه نامـي
مرحوم يابن عبيد ياراعـي الكـار"="عسى مكانك جنب سيـد الانامـي
في جنتٍ خضرا بساتيـن وانهـار"="وعسى جّسّدك على جهنم حرامـي
واخذت لي عقب الخبر وقت منهار"="ابغى اتكلم مـا قويـت الكلامـي
حملي ثقيل وطحت منهار محتـار"="واحس كل الكون حولي ظلامـي
جلست اهل الدمع وادير الافكـار"="واقول يـا دنيـا العنـا والعدامـي
يا ونتٍ ونيتهـا وقـت الاسحـار"="ونت كفيفـن راح شوفـه عدامـي
كبير سن وبـار فيـه الظنـا بـار"="واليا اعتزا ياليـن مالـه حزامـي
من عقب ماهو قاسي صار ينـدار"="سلم لا عـدااه الامـر والزمامـي
عقب الفرح ذاق البلاوي والمـرار"="رضي المهونه عقب رفعّ المقامـي
عليك ياللي موفي بقصـرة الجـار"="رجلٍ خلوق وفوق الاخلاق سامي
صدوق طيب قلب ما هوب بـوار"="الله يبيحـه عـد وبـل الغمامـي
عسى السحاب اللي تزّبـر تزبـار"="يمطر على قبره لا يـوم القيامـي
يا مطير انا اعزيكم كبار وصغـار"="واعزي اهل الشعر شرقٍ وشامـي
واخر كلامي يابيض الوجه تذكـار"="عليك منـا كـل يومـنٍ سلامي

[محمد الشطيطي]

المرثية السادسة عشر
السلام عليكم ورحمة الله
كتب الشاعر طلال العير

رثاء في الشاعر عبدالله العير

السلام عليكم ورحمة الله وبركاته

رثاء في الشاعر عبدالله العير رحمه الله

واسكنه فسيح جناته


أمس الضحى عديت في روس الطويلات= وهيضت مافي خاطري ما طرالي
تسابقت دموع عينـــــي الغزيــــــــراااااات=وصفقت بالكف اليمين الشمـــــــالــــي
وجريت من خافي المعاليق ونـاات=والقلب من بين الصناديق جـــالــي
قالوا توفى العير وفاة الـذي فـاات=يالله انك ترحمه يا منشي خيــاـي
لبيته كفاني سودبقعــا ولا مـاات=دورت بسبع القبايل ماله مثيالـي
عبدالله بن عبيد راعي الجميـــــــــلاااااات=ون قد له من غبـون الليـالي
اخوي يوما للأخــوان فـلااات=من خلقته ما قــال ذا لـك وذا لـي
تبكيه مطــــير تالي الليالي العجيلاااااات=ترقبوا وعدها يوم غــاب الهـلالي
وتبكي على شوفه بنيـا عفيفااات=من عقب فقـدتـه حرمت الـدلالي
مثـــله عديـــم لاجــالهـا مثــيراات=والقبـايل من شـوفه يجيها جـفالي
وختامها صلوا على جميع الصلوااات=على نبـي مرسلـه منشـي الخيالي




المرثية السابعة عشر
السلام عليكم ورحمة الله

رثاء في الشاعر عبدالله العير رحمه الله

واسكنه فسيح جناته

كتب الشاعر راع الحيزا


علم(ن)سمعته كدر البال تكدير=الشاعر المعروف شد الرحايل
اقفت بشاعرنا الوفي شاعر مطير=راع الكرم والطيب راع الجمايل
الشاعر المعروف عبدالله العير= راع العلوم الطيبه والمثايل
اللي رسى لمطير قدم الشواعير=حتى وصل بالمرتبه للاوايل
وياما وقف لمطير وسط الجماهير=وحفظ فعول مطير بين القبايل
شاعر فصيح يصخر القاف تصخير= كم شاعر(ن)وراك فيه الهوايل
منه اكثر الشعار يلقى المعاذير=يخشون اخودعجه زبون الصمايل
الياوقف فالملعبه كنه الزير= ابيوته اسيوف(ن)مصقلات(ن)سلايل
ملم في كل القصص والتفاكير= شاعر وراوي مايعرف الهزايل
وايضا كريم ومن رجال(ن)مشاهير=اولاد صعب(ن)كاسبين النفايل
دمعي على فرقاه مثل الشخاتير= ومن يعرفه دمعه على الخد سايل
عساه بالفردوس من خير في خير=طالبك الا يالله منش المخايل
والله يعوض مطير في شاعر مطير=الشاعر اللي صد كل القبايل


الشاعر/ماجد بن ناهس الهرف المحلسي



المرثية السابعة عشر
السلام عليكم ورحمة الله

رثاء في الشاعر عبدالله العير رحمه الله

واسكنه فسيح جناته

كتب ابو رغد من منتدى مطير


هنالك أناس يموتون وفقدهم لايتعدى محيط اسرهم ... بينما هنالك من بموته يحزن الكثيرون ... وفقيد قبيلة مطير الشاعر المرحوم باذن الله / عبدالله بن عبيد العير من أولئك الذين حزن لفقدهم الكثير ... حزن لفقده أناس ربما هو لم يكن يعرفهم ولم يلتقي بهم أبداً ... ولكنهم عرفوه من خلال محاوراته ومنازلاته التي كان فيها نعم المدافع عن حياض قبيلتنا العريقه ...
وفي هذا السياق هذه قصيدة رثاء في فقيد قبيلة مطير قالها الشاعر / حبيب بن محمد الشبيشيري بعدما سمع خبر الوفاه وقد استأذنته في وضعها في المنتدى .. يقول :


العير مات وكلنا لاحقينه = والموت حق ولاعليه اعتراضي
شاعر كبير وكلنا فاقدينه = شرق وجنوب وغرب وأهل الرياضي
وأهل الشمال بشهرته عارفينه = ولاحد(ن) لموت العير هقيت راضي
وليا بكاه عبيد حن باكيينه = ومن يعرفه دمعه على الخد فاضي
ورثاه ابن عمه بوقته وحينه = زيد المطيري يوم بالشعر هاضي
وليا بكى زيد(ن) ترى عاذرينه = كم ليلة(ن) في اللعب مع زيد خاضي
عن الحياه الموت غيب جبينه = وعن الملاعب صار في اعداد ماضي


المرثية الثامنة عشر


البارحـه ليلي هموم وتفاكــــــير = و الهم لاجا القلب نارٍ وقيده
فزيت انا من علم ماعنه تغــــيير = والموت حق وصادق في وعيده
قلبي بعد سمـع الخبر فز كالطير = اتقول طـيرٍاً طــــايرٍاً من جريده
عليك ياقــــــــايد صـفوف وطوابير = بالشعر حنا الجيش ونته عقيده
يلي تعـزي امطير في موتت العير = عز الخـناذف وكتبه بالجــــريده
مرحـوم ثم مرحوم ياشاعر امطير = انشـهد انك يا بن عمي فقيده
فيه الكـرم والجود مثل المشاهير = راع الوفاء راع الخصال الحميده
قلـبه نظـيف مثل لـون المــــــغاتير = عنـه النميمه والضـغينه بعيده
كنـه بسيفه قايد الشـعر وأمـير = والشعر باقي كالذهب في رصيده
للمـلعبه من بعـد فـرقاه ماسير= يفرحبها راع الحســــــــد والمكيده
لاشـك نؤمن بالقضاء والمقادير = والشـعر بعده ينكـره مــــــــــانريده
وياعبيد بنعزيك جعل العوض خـير= الكم عزانا في سطور القصــــيده
يازيد مات ألي يخصـم المـناعير = ألي عضيدك ونت دايم عضــــيده
وياتركي اقفى من يسوق التباشير = ليـــــا وقف فالصف عيدك وعيده
والموت يافـواز من دون تحذير = اخذ كريما ًبان جـــيدك وجيده
يا لله تغفـرله وتـرحمه وتـجير = يالله يامحيي العظـام الهـــــميده

عادل بن رشيد بن رشدان بن عائض
بن سـلوم العير العضيله المطيري

المرثية التاسع عشر

عقب عبدالله كرهت الشعر كله= مابقي للشعر ذوق ولا مزاجي
الزميل الي كلامه مانمله= والله انه صار همي وانزاعجي
من سيوف مطير له مقضب وسله= فالمواقف مثل سعدون العواجي
ظلله يامن يضل الناس ضله= ياكريم ويارحيم ويامناجي
ياكريما يعقد العقد ويحله= يامعجل بالفرج والانفراجي

الشاعر : مسـحل الزويكي العوني



المرثية العشرون



ذكر من فقدناه بالخير=رجلن تشوف حميته في عيونه
رجلن بجزل الشعر دافع عن مطير=الملعبه وصفوفها يذكرونه
اللي يسوق القوم سوق المظاهير=يقدر على العدوان مايقدرونه
للربع في قلبه معزه وتقدير=عدن لياشح الزمن ياردونه
حميه ونخوه وفي فزعته غير=يعجزخصومه قبل لايعجزونه
له في سنام المجدبصمه وتقرير=عجزوا طحاطيح العرب ياصلونه
حاز المراالله يجل كلها دون تقصير=والطيب شاله فوق هامة متونه
سطرله التاريخ ضمن المشاهير=على فعوله كلهم يحسدونه
لاوالله الاراح عبدالله العير=وخلى القصيد ولابتن يرتجونه
من عقب ماهو بارزن كنه الزير= اليوم وسط المقبره يدفنونه
انااشهد انه من كبار المخاسير= على مطير وكل من يعرفونه
راح وتركنا عقب موته مكاسير= والكل منا وسط قلبه طعونه
متذكرينن معه حلو التعابير=ومتذكرينن فيه ضحكة سنونه
عساه في الجنه عظامه مصادير=في منزل الابرار ماهوبدونه

الشاعر : ابو عادل البديري العبدلي



المرثية الحادية والعشرون


يالله ياللي كل الأوقات نرجيك = ولاخاب من يومن بمده عطاياك
تجبر عزانا والتصاريف بيديك = وتعوضنا والمد مدك وحسناك
ارثيك يا عبدالله العير وابكيك = لعل بالجنة مقرك ومثواك
ويا عبيد ابا عزي لنفسي واعزيك = وانا تراي محزن مثل حزناك
وتذرف دموعي كل ما حل طاريك = ودايم على بالي خيالك وطرياك
يا صقر ياللي شامخات مجانيك = روس الجبال الشامخه وصل مجناك
ويا ذيب ياللي بالذيابه نسميك = اليا بدينا باللقب تكثر اسماك
ويانمر ياللي بالنموره نحليك = وياسد غابه يوم أصنف مزاياك
لو طالت الأيام ماني بناسيك = يا كبر فجعتنا وياكبر فرقاك
وداعية الله عقب ودعت اهاليك = ولا بدنا بكره مع الدرب نقفاك

خلف بن مطر العضيله

[محمد الشطيطي]

المرثية الثانية والعشرون

كتمت حزن بقلبي ثار بركانه = في وسط صدري وناره تاكل ضلوعي
حزن ليا صرت وحدي باح كتمانه = وسط الخلا شهقتي بالحزن ودموعي
وعيت عضامي تشيل الجسم واركانه = ثم استدارت بي ارضي تقل مصروعي
عقب لفاني هل عنيزه وضيفانه = في خبة المستوي والخد مزروعي
رحب ابن عون بالضيفان واحزانه = ترحيبة مالها جنس ولانوعي
قالو ابو عبيد مات وضاع عنوانه = والناس من هالخبر بالحيل مفجوعي
قلت الله اكبر اخذ بالدين ديانه = والنفس دين يرد وحق مرجوعي
ترجع لرب عزيز جل في شانه = رب على العرش واله الامر مسموعي
ودام الله اللي كريم وزايد احسانه = ازيد في طلبتي واكبر طموعي
اعمالنا كلها ماهي لها خانه = الا برحمتك يوم الكل مخلوعي
وعبد الله العير مات وكب ورعانه = ولفا الفقير .. الغني له دون الاسبوعي
له دون الاسبوع في قبره وتربانه = وحيد ماعنده مسلين وربوعي
عبدك موحدك وانت اليوم رحمانه = مايعبد الا انت مومن بك ولك طوعي
يارب لاتتركه في وسط لحدانه = نور لقبره وهد الخوف والروعي
وفي يوم تحشر جميع الخلق عريانه =وتشيب عين الذي للحشر مدفوعي
وكل يرى ماعمل في وسط ميزانه = ويعطى الكتاب وماعمل فيه مجموعي
عسى العضيله مع اللي شالت ايمانه = مبشر به وفي يمناه مرفوعي
ويارد لحوض النبي والكبد رويانه = ويشفع له المصطفى ويصير مشفوعي
ويدخل لجنة رفيع العرش سبحانه = ولاعاد يذكر شقا دنياه واللوعي
وعزاي في موت عبدالله وفقدانه = موت الرسول الذي بالحق متبوعي
ودام الله اللي كريم وزايد احسانه = ازيد في طلبتي واكبر طموعي
تمت وصلوا على اللي بان برهانه = دينه سماوي ولاهو دين متبوعي


الشاعر : ابن عون


جانــــا خبر يطيــر الفكـــر تطيـــــير = امر الولي في ساعـــــه قد قدرهــا
فأم الجماجم صار حادث على السير = وفـاة عبـــــدالله توكــــــد خـــــبرها
الله يعوض مطــير فالعــــير بالخـــير = اللي توفى وانتشـــــــر به كدرهــا
الشاعــر اللي سخـــر القاف تسخـــــير = من شهرتــــه كـلا بداره ذكرهـــا
من عقب عبــــدالله ترانا مكاســــــــير = امر الولي ومطــــــير هذا قدرهــا
ياعـــــــبيد حنا لك جنود طوابــــــــــير = واحزانكــم ياعـــــبيد حنا فنحرها
ياللــــــه ياعـــــالم خفى كل تدبـــــــــير = يالواحد المعــبود محصي بشرها
انك على قبــــــره تسوق التباشــــــــــير = غر المــزون اللي تسابق مطرها
وفي جنــــة الرحمن له موقعـــا غــــير = في عالي الفردوس يقطف ثمرها


الشاعر / مفلح بن عايش المشرافي المطيـري


وهذه ايضا؟






يا عين معذوره اليا عفتي النوم = النوم ماله حزت الضيق داعي
وشلون انام وقلبي اوجاع وهموم = ومن زود همي تطلع الشمس واعي
من صدمتي عجزت يا ناس لا اقوم = وتيار قلبي صار فيه انقطاعي
يوم الخميس الفجر يا ما اصعبه يوم = عجزت اصدّق لين هالعلم شاعي
مرحوم يا عبدالله عبيد مرحوم= يا جعل مثواك الجنان الوساعي
يا عزوتي هذا مقدر ومحتوم = اليوم مكتوبٍ علينا الوداعي
هذا طريقٍ للمخاليق مرسوم = مرسوم للمخلوق وامر مطاعي

الشاعر : بدر شعيفان العضيله



وهذه ايضا..

مرحوم يابن عبيد عبدالله العير = ما تنمحي ذكراك طول اللليالي
جته المنيه والمنايا مقادير = من حكمة المولى عزيز الجلالي
الموت حق ولا عن الموت تبرير = كم مات من غالٍ قريب موالي
اللي كتبه الله على عبده يصير = ما هو بلا الأول ولاهو بتالي
يالله ياللي تعلم الشر والخير = يا ربنا ياللي لك الأتكالي
تجبر عزانا في زعيم المناعير = الكامل ولك ياإلـــه الكمالي
انا اشهد انه من رجالٍ مشاهير =واف الخصايل في جميع الحوالي
قرم ليا جوه النشاما مسايير = كثّر تراحيبه وجاب الدلالي
كل العرب تبكيك يا فارس مطير = ما احدٍ يلوم اللي بكى فقد غالي
تبكيك كل الخلق كبير واصغير = شرق وغرب وفاليمن والشمالي

الشاعر : محمد بن زبن بن زياد العضيله

وهذه ايضا رثاء..


شعر المشاعر مع الشاعر يبين له = إحساس حاجه يترجمها بقيفانه
علم وصلني هجوسي ما تحمل لّه = جاني نباه الخميس وشب نيرانه
ميتت رفيق عسى المولى يسـهلّه = ويدخله معطي الجنات في جناته
الله يرحم عميد الشعر عبدالله = ويجبر عزاء مطير في موته وفقدانه
واعزي اهله واعزي من يحزبّ له = واوصل التعزيه لبوه واخوانه
تبكيه علوى وتبكي ابناء عبدالله = وبريه تبكي على فقده ومن شأنه
رمز خدم شعرنا الموروث بسجلّه = وسجّل مع الوقت بصماته وعنوانه
اثني عشر عام في الميقاف محتله = الشعر مبنى وهو ركنٍ من اركانه
ليت المقادير ما جاهن ولا جنّ له = سلم وكمل حياته بين صدقانه
مير القضاء والمقدّر ويش نعملّ له = الله يجزاه من عطفه ورضوانه
اليا ذكر كل واحد وش يقابل له = يعاف دنيا تخون لولا لها خانه
الطير ترميه والمسرع تفرمل له = ومن عاش فيها مصيره درب جدّانه
الحي في طرقته وآجله مؤجل له = ياخذ مع الوقت محسوبه وحسبانه
ولاكن ما يهمله ربٍ يمهل له = لابد ما يلحق المديون ديّــانه

الشاعر : بدر الشيب الميموني



مرحوم ياللي بأسفل القبر حطوه=هلّوا ترابه ثم جابوا نصايب
نبكيه واللي يعرفونه بيبكوه=الشاعر ابن عبيد حاظر وغايب
الشعر بعده ياهل الشعر عزوه=جرحه عميق ولاتفيد الطبايب
لو الفقيد يرده الدمع ردوه=كل القبايل بالبكاء والقرايب
لوحاولوا ينسون فعله مينسوه=يشهد صغير السن فعله وشايب
سجله التاريخ والكل زكوه=بالفعل مامثله عطيب الضرايب
اعزي الاخوان واعزي ابوه=واعزي الاقراب هو والنسايب
واعزي اللي كلبوهم يحبوه=واهل عنيزه متعبين الركايب

الشاعر : سالم الهريساني العضيله


وهذه ايضاء رثاء

جتني تهل الدمع وتقوم وتطيح=مريم حشاشة جوف عبدالله العير
قامت تلج بعالي الصوت وتصيح=مريم حشاشة جوف عبدالله العير
الموت مايحتاج ياعم تصريح=امر الولي ماشي على كبار وصغير
جعل السحايب فوق قبره مراويح=وبنبت عليه من القب والنواوير
الله يوسع له بقبره تباريح=ويغفر له الله يوم صف الطوابير
ويجبر عزانا في العيال المجاريح=وتغفر ذنوب اللي رفع راية مطير


الشاعر : مطر بن عبيد العير


وهذه رثاء


لـــو الـدمــوع تــرد عبدالله العــــــار=والله لبـــكـي ليــن عيني تشــوفــــه
ويــبكي معي صــفة قبايــل وشعــــار=ورجــال من بين الرجال معروفـــه
لــــكن حكـم الله مايمنع ليـــا صـــــار =امــره على اللي يقصد مايطوفـــه
مــــرحـوم ياللي لك معــزة ومـقـــدار=يالصاحب اللي موت مثلك حسوفـه
عساك في الفردوس مع سيد الابـــرار =وعسى سنين العمر فيـه امخلوفـــه
اخذت لك في صفحة الشعــر مشــوار= وبنيت بيت معـجـــزات وصوفــــه
ولك وقفة تشهد لها كبــــار= وصغـــار لاجــــا نهـــار فيــه صولـة وحوفـه
كـنك معي في المعــركة سيــف بتــار= لـــن قيـل كلا نجدتــه من سيوفــــه
اثـــقـل من الجولان والضلع سنجـــار= لاهب طيف الشعر واقبـل صفوفـــه
عـلــيك قلبي فيــه جمــرة من النــــار=ورحـيلك اللي ولع النـــــار جوفـــه
اجــــاذب الــونـــات والـــدمع عبـــار=وضلوع قلبي من بعـدك معكوفــــه
يـــامــا بـــنينا للمعـــزة مـــن اجـــدار= ويــامـــا تحدينا الزمان وظروفـــه
وياما تقاسمـنا الوفـــــا ســـر واجهـــار=والكل للثــــاني يشــــرف وقوفــــه
واليوم راحت بك صواديـــف الاقـــدار= وبنت الهوى صارت بعدك معيوفـه
لكـــن مالي عـــن وصيــــتك معــــذار =العزوة اللي بالفعـــول معروفــــه


الشاعر/ تركـــ2000ــي الميزاني



وهنا ايضا.


ابكي الشجيع ابن الشجيع السنافي = ويبكيه مثلي كل شيخ من مطير
ويبكيه كل شاعر يحكم القوافي = ويبكيه صف الملعبه والجماهير
عبدالله بن عبيد والأسم كافي = عبدالله بن عبيد عبدالله العير
حصنٍ على المطران وستار ضافي = من دون ربعه راسي كنه النير
والظلع ما تثّر عليه السوافي = ولا تصله سيوف العرب والمناشير
بيّن ومتعيّن ولاهو بخافي = ولا تختفي روس الرجال المنا عير
شاعر فهيم ويازن الكيف وافي = شعر العقل ماهو بشعر الحناجير
ما قال في ساعة كفى شاب قافي = والخصم لأشتدت شواه بزمهرير
ليا اعتزا بدعجه وصارت تجافي = نعم باخو دعجه يهد الطوابير
كدر الشراب يصير للعير صافي = يصخّر المعنى على القاف تصخير
الفوز لأبن عبيد في الماد رافي = ماهو من اللي ياكلون الخوابير
يشهد له التصوير فعل يشافي = فعل الحقيقة صدق ماهو بتزوير
ثقل على غيره وعنده خفافي = اليا قبس بارودها في الدوافير
بشرى على المطران والشعر لافي = لكن اخذه الموت لو عمره صغير
والموت ما وفر شجيع وهافي = الموت حق وكل شيء بتقدير
ودنياك ما دامت سرور وعوافي = يالادمي لابد طوي المظاهير
وين الثبيتي وين صقر النصافي = وين الرجال اهل العقول المشاهير
والأمر لله ما عليه اختلافي = كلٍ رضي بالأمر من دون تفكير
ويالله وامرك بين نونٍ وكافي = تجير عبدالله وتجزاه بالخير
يا راحم عبدك اليا جاك حافي = انت الاله تجير ما غيرك يجير
وجعل المزون المنشيات الملافي = تمطر على قبره ضحى الوقت وعصير
والشعر من بعده مصيبه جفافي = لكن واس الشعر ومطير ياطير

الشاعر : نايف سمار الشــلاّحي



وهنا ايضا.


البارحة ليلي قضيته هواجيس= أسوأ خبر جاني نهار الخميسي

والقلب كنه فوق نار المحاميس = في كف مطفوق جعلها حميسي

كن العيون يبط فيها دبابيس =ودموعها على خدودي يبيسي

لولاي ميقن وتعود من ابليس = ضحك علي اللي يسما ابليسي

أخذ عليه مثل غيري مراويس = وبأمر الولي رجع معيف فليسي

وفات عبدالله بعيد المناطيس = شاعر مطير اللي يفك الوطيسي

ودعت دكتور الشعر والنواميس = طلق الحجاج اللي جنابه ونيسي

شاعر ومتمكن بكل المقاييس = بالشعر له وقفه يقوس ويقيسي

يالموت تبطش بالعيال السناعيس = وراك ما دورت بالخندريسي

خل الرجال اللي تفك المحابيس = بالجاه والحكمة تفك الحبيسي

عساه بالجنه بزين الملا بيس = ومن البنات الحور يلبس لبيسي

أرفع عزاي للرجال الاشاويس = بالعير أعزي كل رجل شويسي

سريا قلم واكتب بيض القراطيس = قاف عن المنقود يضرس ضريسي

البارحة ليلي قضيته هواجيس = أسوأ خبر جاني نهار الخميسي

وصلاة ربي عد نبت الأ طاعيس = على الرسول اللي مقامه مسيسي


الشاعر / سعيد سعد العــــــوني





حل الخبر وأنهارت المعنويه= وأمسيت مثل اللي سقط باسفل البير
رجل ٍ ورد له عد بأرض ٍ خليّه= بس الحمام الراعبي والعصافير
وزل القدم من فوق جال الركيه= وهوى من الأعلى مثل هوية الطير
اشعر بضعف الاحرف الابجديه= ماعاد تعطيني معاني وتعبير
في موت عبدالله عريب السميه= صاب الشلل عندي جميع التفاكير
بأم الجماجم صادفته المنيه= أمر ٍ مقدر من ولي المقادير
الشاعر اللي يملك الجاذبيه= تبكي عليه الملعبة والجماهير
اللي عليها يضفي القابليه= تتليه عشّاق المعاني طوابير
لامن وقف بين الصفوف القويه= زاد الحماس وفجر اللعب تفجير
تجي تعابيره سريه سريه= مثل الدروع مسطحات الجنازير
بالنقض تحمل قوة المدفعيه= وأدق بغض أحيان وأشد تاثير
وتلتف حول النقطه الجوهريه=بالمعرفه مثل إلتفاف المغاوير
مات الفقيد وظلّت الأم حيّه= ( الملعبه ) تنتج نجوم ٍ مشاهير
لاشك مهما تنجب العامريه= صعيب تنجب مثل عبدالله العير
لعل قبر ٍ ضم ذاك الشفيه = تستهدفه غر المزون المزابير
عسى المزون ليا نشت عقربيه= تسقيهةمن وبل السحايب شخاتير
وعسى عليه المدة البرزخيه= تمضي وقبره روضة ٍ من نواوير
في رحمة الرحمن رب البريه= اللي رضاه يبدل الشر تبديل
وعسى مقره بالنعيم البهيه= بين الحواري مبهجات الأسارير
كتبت حق ٍ لأخو دعجه عليّه= وباقي من حقوق الزماله قناطير
كتبت تعبير الخوي عن خويه = وعزيت نفسي قبل لا اعزي مطير

الشاعر / ذيب العمودي الشمري



وهنااااااااااااااااااااااااااااااا ايضا..

ياوديع السر خـل السـر خافـي=أكبر من الظن ، أقل من الجريمه
المباراه إنتهت والستـر ظافـي=ياحبيبـي كـل غلطـه بتعليمـه
لاتلاعبني على الشوط الإضافـي=إلا واللعبـه قواعدهـا سليـمـه
قبل تدخل في نظـام الإحترافـي=طيع شوري عدّل اخطاك الجسيمه
علق أمالك على قلـب السنافـي=يعتني بك حب وإخلاص وعزيمه
لاتعلقها علـى رقـاب الزرافـي=أعتقد مافي زراف الغاب شيمـه!
من عذاب الغدر يسلم كل وافـي=والوفاء منهاج الأفكار الحكيمـه
غلطة الجاهل لها سبعين رافـي=وغلطة العاقل عواقبهـا وخيمـه
والقلوب اللـي نواياهـا نظافـي=ماتلاقـا مـع قلـوبٍ مستهيمـه
نجم ساطع ماينور نجـم طافـي=لو يعود النور للعيـن الكريمـه!
ومن يريد المقبلات من المقافـي=مثل طلاب العداله من خصيمـه !
والسمان اللـي تلفـت للعجافـي=بينها تفرق وسيمه عن وسيمه!
دورة الدنيـا دليـل الإختلافـي=مامـع الأيـام حالـه مستديمـه
كـل ماقلنـا يلحفهـا اللحـافـي=ترفع الجلسه ويقفا السيل ديمـه
لوعقدنا مؤتمر فـض الخلافـي=مؤتمرات العـرب دايـم عقيمـه
إترك إسلوب التنازع والتجافـي=وإلتحق بالركب يامـال الغنيمـه
الهوى راعيه لو قيـل متعافـي=الوله يقـلاه والفرقـا تضيمـه
ياحبيبي خل جـو الحـب دافـي=وأرسل القلب يتمتع فـي نعيمـه
ماعليك من العـذول ولاتخافـي=إتركه يعزف على دقـه قديمـه!
مثل الأخـلاق والبعـد الثقافـي=تنتصر في عالـمٍ كلـه هزيمـه
ياهواي العذب يازيـن الملافـي=يالحنان اللي عسى ربي يديمـه
جوهره ياجوهره والوصف كافي=أنت قيمـه مايعادلهـا أي قيمـه
ياذهب يالول يامرجـان صافـي=ياخلاصة كل الأحجـار الكريمـه
لاتعاند، خل جـو الحـب دافـي=وأرسل القلب يتمتع فـي نعيمـه


فيصل الرياحي ( رحمه الله )



هذه مرثية للشاعر خلف بن سلمان المريبيط العوني في الفقيد الشاعر عبدالله بن عبيد العير المطيري


عز الله إن الحزن خيّم على الساحة

لبست ثياب الحداد وضاق خاطرهـا

معاد هي من ظروف الوقت مرتاحة

من بعد عبدالله بن عبيـد شاعرهـا

من عقب ماهي بشوش وبنت مزّاحة

اليوم حدّت وصدّت عـن مظاهرهـا

تبكي على تاج راس الشعر ووشاحه

الشاعر اللي بيوت الشعر ساخرهـا

وتهل عبراتهـا بدمـوع فضّاحـة

من يوم جتها الحقايق من مصادرها

وتقول معـاد أنـا ويـاك يالراحـة

لو الجنايـز تبعثـر مـن مقابرهـا

ماعاد لدموعـي الثنتيـن مسّاحـة

ياشين عيني إلـى هلـت عبايرهـا

من عقب شاعر مطير أروح نزّاحـة

وابعد عن اللي بيوت الشعر يكسرها

الشاعر اللي فتـح قفلـه بمفتاحـه

ماهو بخبلٍ علـى راسـه يثورهـا

والي نخيته سوات البيت وسناحـه

كم روس قوم عن الميدان صدرهـا

اللي رفعني على راسه عن الطاحـة

يوم إني أبحث عن الفزعة وادورها

كم مـرة قـال خلوهـا بمسباحـه

بين الجماهيـر والفنـي يصورهـا

بيوت شعر سـوات الـورد فوّاحـه

بالفتل والنقـض وشعـورٍ يعبرهـا

علاقتي فيه مثـل الطيـر وجناحـه

اللي إلى كبـرت همومـه يطيّرهـا

وعلاقتي فيه مثل البنـك وارباحـه

اللـي كبـار الزبايـن مايخسرهـا

واليوم فيه العزاء وابيح من باحـه

بعض المصايب يهول العين منظرها

لو كان مذبوح لاقطع راس ذبّاحـه

وافزّع مطيـر غايبهـا وحاضرهـا

سمعتها ثـم قلبـي زادت جراحـه

وعزيتها والعزاء يجرح مشاعرهـا

وعزيت نفسي وهم القلب يجتاحـه

كن السكاكين في كبـدي خناجرهـا

واعزي ابوه واخوانه ومـن ناحـه

واعزي عبيـد والثنتيـن خابرهـا

واعزي مطير في موتـه ومرواحـه

واقول يالله على الفرقـا تصبرهـا

اعمها من تبوك الـى وراء الباحـة

والغرب والشرق وديـارٍ مجاورهـا

وقلت البقا في زناد الشعر وسلاحه

شعارنـا والحقيـقـة مانغيـرهـا

يبا يردون عيـد الشعـر وافراحـه

لين بنت الهـوى تلبـس بناجرهـا

والى مدحتيه غيرك نـاس مدّاحـه

من عزوة في الوغى حمرٍ نواظرهـا

عساه في جنة خضراء كما الواحـة

مبسوط وذنوبـه الخالـق يكفرهـا

والناس مع غفلـة الايـام سبّاحـة

وفي نزعة الروح ربي مايشاورهـا

وسود الليالي حصاة ارزاح وارزاحة

الى انكسر نابهـا تاكـل بظافرهـا

[محمد الشطيطي]

يا الله يلي كلنا مرتجينه "=" يا واحدٍ ما خاب منهو ترجاه
نسألك ما غيرك أحد سائلينه"=" يا الله يارب المخاليق يا الله
عبدك ياربي رافع لك يدينه"=" يدعيك من قلبه ومخلص لك دعاه
حزين ونفسه يا إلهي حزينه"=" على اللي في غفله فجعنا بفرقاه
ابو عبيد وينه اليوم وينه"=" الشاعر اللي خذ من البحر معناه
الشاعر اللي كلنا خابرينه "=" الوافي اللي نادر تشوف حلياه
فقيد شعر الرد ومتابعينه"=" شاعر مطير اللي سجاياه
ان اندفن فقلوبنا دافنينه"=" وأن مات ما ماتت مع الناس ذكراه
عبد الله ويا كثرهم فادينه"=" وياكثر دمعٍ في غيابه نثرناه
يا لله تلهمنا الصبر والسكينه"=" وتجعل ياربي جنة الخلد مثواه
يا رب تغفر له وي الله تعينه"=" في يوم ما للعبد يا كود مولاه
يا الله يلي كلنا مرتجينه "=" يا واحد ما خاب منهو ترجاه


الشاعر مشعل المطيري

نقلاً عن جريدة الجزيرة يوم الخميس 18/ 9/1424هـ



كتب المؤرخ ابن رشيد العبدلي مرثية نشرتها صحيفة الجزيره في 20/8/1424هـ للشاعر سفر الدغيلبي بالشاعر الكبير عبدالله العير رحمه الله تعالى :




يا ملفي عليّه بالخبر.. مـا لفيـت بخيـرخبر موته اللـي جعـل خاتمتـه الجنّـه


عسى الله يعفو عنك يا بـو عبيـد العيـرويغفر ذنوبـك صاحـب الفضـل والمنّـه


ترى فقدك اثقل من جبـال الهـدا والنيـرجداي اصفق الكفيـن.. وأجـاذب الونـه


عليك العيون من السهـر صابهـا تأثيـرلهن حـق يـوم النـوم عقبـك يعافنّـه


وعليك الضمير تلاوعه مثل نـار الكيـروجسمـي عظامـه فاتـرة مـا يقلـنّـه


وعليك اللسان يعجز لا يفصـح التعبيـرولا ينطـق ألاّ.. آه.. ليتـه.. ولـو أنّـه


وعليك الفواد اشبـه بطيـرٍ يتـل السيـريبـي ينطلـق.. لكـن سبوقـه يـردنّـه


أبا ابكيك يا بن عبيد ليل وضحى، وعصيرعلى شان جرحٍ خافـي مـا قـدر اكنّـه


وأبا انوح من فقدك مثل ما ينـوح الطيـروابا اجيب من فرقاك ما «الورق» جابنّـه


أبا ابكي معك (يا عبيد) لو انت ورع صغيرعلى أبـوك.. يـوم أن المقاديـر خاننّـه


ابوك الذي صخر بيوت الشعـر تصخيـربقت سيرته من طيب شعره، ومـن فنّـه


عليه «الملاعب» تكثر الحـزن والتفكيـروعليـه المعانـي كـل دمـعٍ يهلـنّـه


ويبكيه حتى «مكبر الصوت» و«التصوير»فقيدة.. بيوت الشعـر وشلـون ينسنّـه؟


وغير الشعر مشهور بالطيـب والتقديـرضعـاف الأمـور الساقطـة مـا يمنّنـه


ونظف السريرة.. والصراحة.. وغير وغيرومع صاحبه صافـي، ولا يرتـدي ظنّـه


يا ليت الليالي مهلّت له ليالـي.. ميـر...خذنّه بغـدر... ومـا خـذن مـا يردنّـه


لكنّ العوض في روسكم يا رجال (مطيـر)وش تقول.. دام الموت للآدمي سنّـة؟؟!





.
كتب المؤرخ ابن رشيد العبدلي بمنتدى مطير نقلاً عن جريدة البلاد السعودية بتاريخ 5/8/1424هـ مرثية سطرها الشاعر الكبير محمد بن طمحي الذيابي في رثاء رفيق دربه الشاعر الكبير عبدالله العير





مرحوم يانجـم خذتـك المقاديـر


بعد ان سطع نوره غطاه الكسافـة


اسمه شهير من الاسامي المشاهير


رحل وذكـره بالنشامـى خلافـه


أعزي الشعـار واعـزي مطيـر


واعزي الجمهور حسب اختلافـه


الشاعر المعروف عبدالله العيـرـ


انا اشهـد ان كـل قلبـه نظافـة


كم صفقت له ياعبيـد الجماهيـر


وتكبدت لاجلـه بعيـد المسافـة


كنت ازعله باسباب بعض التعابير


واقول له مافـي فراقـك كلافـه


واليا خذينا وقت يحتـاج تفسيـر


نسي الزعل مهما يكون اتصافـه


ثم اتصل بي قال لي : خير ياطير


انا اتصل بـك واعتبرهـا لقافـه


لكـن ناقشنـي بحكمـة وتقديـر


ولابد للمخطـي يقـوا اعترافـه


هذا دليل انه مـع حسـن تفكيـر


والقلب من حسن السجايا لحافـه


وغادر بأوامر رازق الطير والغير


واوامـر الله ماعليهـا حسـافـة


ويالآدمي دنيا العنا مابهـا خيـر


لكن خل عندك مـن الله مخافـة






لكم خالص تحياتي/ محمد العبدلي.

[مالك الحزين]

اشكرك اخوي على هالمرثيات الجميله في شاعرنا المرحوم الله يسكنه فسيح جناته
موفق بإذن الله ... لك مني أجمل تحية .

[محمد الشطيطي]

مالك



العفو ماسوينا شي عسى الله ان يرحمه ويتغمد روحه الجنه اخو دعجه فقيده الله يرحمه,,


لكـ جزيل الشكــــــــر على مرورك العطر.

[سسسلطان]

مشكور اخوووى الله يرحمك يااخوو دعجه وعساك فى جنه الفردوس مع سيد الابرااار رحمه الله عليك ياابووو عبيد...@

[سسسلطان]

@@عزاللـــــه...انـ..ــ..ـ.ـه.....فقيـ..ـدهـ....لق بيلـ..ـه...مطـ..ـيرر..@@